Në Fakultetin e Edukimit të Universitetit “Ukshin Hoti” në Prizren, u mbajt workshopi për studentët tutorë (peer tutors) në kuadër të projektit “Bridging Cultures: Intercultural Communication at University ‘Ukshin Hoti’ Prizren in Kosovo”, i financuar nga SHER – Social Dimension Small Grants Scheme dhe mbështetur nga WUS Austria.

Workshopi u facilitua nga  Prof. Asst. Dr. Jasmin Jusufi, koordinator i projektit, dhe kishte për qëllim zhvillimin e aftësive të komunikimit, bashkëpunimit dhe mbështetjes së studentëve në një mjedis universitar multikulturor.

Gjatë workshopit, studentët morën pjesë në aktivitete interaktive dhe diskutime në grup, duke u përgatitur për rolin e tyre si studentë tutorë në universitet.